CWESTIYNAU AC ATEBION

1. Oes isafswm ac uchafswm o ran faint allwch weini?

Mae’r mochyn lleiaf gallwn ddarparu yn bwydo 100 – felly mae ein holl fwydlenni yn cychwyn o ran pris yn seiliedig ar gant person. Os nad oes 100 yn mynychu rydym yn awgrymu eich bod yn cysylltu â ni am bris, gallwch wedyn benderfynu os yw’r pris yn cyfiawnhau y niferoedd fydd yn bresennol. Chi sy’n berchen ar unrhyw gig sydd ar ôl , mi nawn ni ddarparu bagiau pwrpasol a gallwch ddefnyddio rhain i gadw y cig yn y rhewgell am 3 mis. Gallwn weini i 400/500

2. Sut ydw i yn archebu?

I archebu mae’n rhaid talu blaendal o 50% o fewn 48 awr i dderbyn yr anfoneb. Wedi’r cyfnod hwn bydd y dyddiad yn cael ei ryddhau ir cyhoedd unwaith eto

3. Yda chi yn cynnig opsiynau llysieuol a fegan?

Yndan! Da ni’n trio ein gorau i blesio pawb!

4. Sut mae eich prydau yn cael ei gweini?

Mae ein bwydlen Efydd yn cael ei weini mewn napcynau. Bydd ein bwydleni Arian, Aur a Phlatinwm yn cael ei gweini ar blatiau ailgylchadwy safonol gyda chyllith a ffyrc pren. Gallwn hefyd gynnig llestri a chyllith a ffyrc ‘go iawn’ am bris ychwanegol

5. Allwn ni gael y mochyn rhost tu mewn?

Gallwch! Ond da ni’n awgrymu eich bod yn cysylltu cyn archebu i drafod unrhyw heriau posib!

6. Am faint fyddwch chi'n aros?

Byddwn yn cyrraedd tua 2 awr cyn gweini(tua 3 os yn paratoi y fwydlen Aur neu Blatinwm) ac yn gweini am rhwng 1 a 2 awr – Digon o amser i bawb ddod nôl am fwy!

7. Pa gyflusterau fyddwch ei angen?

Mynediad at ddŵr poeth i sicrhau safonau hylendid, soced dwbwl os yn dewis sglodion neu wejis. Hefyd digon o le parcio i Hilda’r Hwch (ein fan!)

8. Faint o le fyddwch angen i baratoi?

Tua 9 metr sgwâr. Ond os byddwch yn dewis y fwydlen Aur neu Blatinwm byddai cegin/ystafell fach yn ddelfrydol.

9. Oes gennych gynlluniau wrth gefn am dywydd gwlyb?

Tydi hi byth yn bwrw yng Nghymru wrth gwrs! Ond os byddwch yn anlwcus iawn mae gennym gazebos i achub y dydd!

10. Pa môr bell fyddwch yn teithio?

I fyny at 40 milltir o Gaerdydd (gall hyn arwain at gost ychwanegol)